პირველად საქართველოში ჰიბრიდული კაიზერის ლაზერული ეპილაცია

იმისათვის, რომ შეწყდეს არასასურველი თმის ზრდა, აუცილებელია რამოდენიმე სეანსის ჩატარება. საშუალოდ, თითოეული ზონისათვის საჭიროა 5 - 8 პროცედურა. ეს აუცილებლობა დაფუძნებულია ჩვენს ფიზიოლოგიაზე. ლაზერი ზემოქმედებს მხოლოდ აქტიური ზრდის ფაზაში მყოფ თმის ფოლიკულებზე, რომლებიც საერთო რაოდენობის დაახლოებით 20-30%-ია. ამიტომ, საჭიროა ლაზერული ეპილაციის პროცედურებს შორის 3 კვირიანი შუალედების დაცვა.

თმის ფოლიკულს აქვს განვითარების რამდენიმე ფაზა:

• ანაგენი - აქტიური ზრდის ფაზა. ადამიანის სხეულზე არსებული თმის 15-20% არის აქტიური ზრდის ფაზაში. ლაზერული ეპილაციის დროს ხდება მხოლოდ ანაგენის ფაზაში მყოფი თმის ღერების მოშორება; ამგვარად, ერთი პროცედურით ქრება არასასურველი თმის მხოლოდ 15-20%.
• კათაგენი - გარდამავალი ფაზა. თმის საერთო მოცულობის დაახლოებით 3% იმყოფება გარდამავალ ფაზაში, როდესაც თმის ზრდა შეჩერებულია, თმის ბოლქვი იკუმშება და ეკვრის მას.
• ტელოგენი - მოსვენების პერიოდი. თმის ფოლიკულების დაახლოებით 15-20% გადის მოსვენების (სიმშვიდის) ფაზას. ადამიანი ყოველდღიურად კარგავს 25-დან 100-მდე ტელოგენურ თმის ღერს.

აღნიშნული ფაზების გამო ერთ პროცედურაში ვერ ხერხდება თმის ყველა ფოლიკულზე ერთდროული ზემოქმედება, ამიტომ საჭირო ხდება პროცედურების ჩატარება რამოდენიმე კვირის ან თვის განმავლობაში.
ზოგიერთ შემთხვევაში ლაზერული ეპილაცია იძლევა უკეთეს შედეგს, ვინაიდან თითოეული ადამიანისთვის თმის სტრუქტურა ინდივიდუალურია და თმის რეგენერაცია განსხვავებულია.
საშუალოდ, 4 - 6 პროცედურის შემდეგ არასასურველი თმის 70-80% ქრება. მესამე პროცედურის შემდეგ სამუდამოდ ქრება თმის 50%, ხოლო ექვსი პროცედურის განმავლობაში ეს რიცხვი იზრდება 90%-მდე.
თმის რეგენერაციის დაქვეითება ლაზერული ეპილაციის დროს ასევე დამოკიდებულია დასამუშავებელ ზონაზე. სხეულის ზოგიერთ ნაწილში თმა მეტად პიგმენტურია. რაც უფრო მუქია თმის ღერი, მით უკეთ ხდება მის ფოლიკულში ლაზერული იმპულსის გატარება.